Íslenski bærinn
Staðarhaldarar
Greinar og viðtöl
Tenglar

Upphafssíða
Senda póst
Fréttir - blogg

Staðarhaldarar

Hannes Lárusson hefur verið starfandi myndlistarmaður undanfarin 25 ár. Ferilskrá.
Hann hefur B.A. próf í heimspeki frá H.Í., meistarapróf í myndlist fré Nova Scotia College of Art and Design í Halifax, Kanada og gráðu í uppeldis- og kennslufræði frá K.H.Í.
Hefur haldið fjölda einkasýningar, bæði hér heima og erlendis, skrifað tugi greina og fyrirlestra um myndlist og menningartengd efni.
Hann er alinn upp í torfbænum að Austur-Meðalholtum til níu ára aldurs. Hann hafði frumkvæði að og yfirumsjón með endurreisn bæjarins á árunum 1986-94 og vann að því verkefni m. a. með Jóhannesi Arasyni hleðslumeistara og með ráðgjöf Harðar Ágústssonar húsafræðings. Hannes hefur aflað sér þekkingar á flestum verkþáttum sem lúta að torfbænum, innanstokksmunum og lifnaðarháttum sem þeim tengjast.
Vorið 2005 hélt hann 5 fyrirlestra um efni sem lýtur að hinni íslensku torfbæjarhefð í boði Háskólans í Victoria, Bresku Kólumbíu í Kanada og Green Building Council of British Columbia við góðar undirtektir.

Kristín Magúsdóttir hefur B.S. próf í efnafræði frá University of Central Florida og meistaragráðu í lífefnafræði frá University of California, Santa Cruz. Hún stundaði framhaldsnám í lífefnafræði við háskólann í Halifax, Kanada og nam einnig við Handíða- og myndlistaskóla Íslands. Hún hefur lengst af unnið við rannsóknir og kennslu við Háskóla Íslands og Tækniskóla Íslands og var síðast dósent við Tækniháskóla Íslands.
Hún hefur ávalt haft áhuga á vistvænnni hugmyndafræði og hefur í mörg ár stundað lífræna ræktun að Austur-Meðalholtum.